Өскемен мен ШҚО Өскемен халқы Бірлік күнін атап өтуде
Қаланың барлық оқу орындарында 1 мамырға орай, тақырыптық сынып сағаттары мен түрлі жәрмеңке, байқаулар ұйымдастырылуда
Дәстүрлі түрде бұл күні Шығыс Қазақстанның қалалары мен аудандарында ұлттық спорт түрлерінен сайыс өтіп, ән айтылып, конкурстар мен жарыстар, қолөнершілер бұйымдарының көрмелері, жәрмеңкелер және басқа да іс-шаралар ұйымдастырылды.
Салтанатты шара аясында облыс орталығында, Өскеменнің бас алаңында өңірдің шығармашылық ұжымдарының қатысуымен концерт өтті. Шара аясында облыс әкімі Даниал Ахметов жерлестерін құттықтап, елдегі бейбітшілік пен келісімді нығайтудың маңыздылығын атап өтті.
Бүгінде еліміз президент Қасым-Жомарт Тоқаевтың басшылығымен алдына биік мақсаттар қойып, жаңа Қазақстанды құруға кірісті. Мұның бәрі жасампаз еңбектің жемісі, көп ұлтты халқымыздың татулықтың жеңісі, - деді өңір басшысы.
Сонымен қатар шығыс қазақстандықтарға денсаулық, табыс пен бақ-береке тіледі.
Айта кетейік, салтанатты іс-шаралар эстафетасын еліміздегі алғашқы облыстық Достық үйі жалғастырады.
