Өскемен мен ШҚО ШҚО ПД Бажов көшесіндегі қайғылы жол-көлік оқиғасы туралы мәлімет берді
21 сәуірде сағат 17.15 шамасында Мұнай базасы ауданында автобустың қатысуымен болған жол-көлік оқиғасында бала көз жұмған болатын
ШҚО ПД баспасөз қызметінің хабарлауынша, King long маркалы маршруттық автобусының 59 жастағы жүргізушісі "Нефтебаза" аялдамасына тоқтап, жолаушылардың толық түскенін күтпей, есігін жауып жүріп кеткен. Соның салдарынан 2017 жылғы қыз бала ауыр жарақат алып, оқиға орнында көз жұмған.
ЖКО фактісі бойынша ҚР ҚК 345-бабы 3-бөлігі - "көлік құралдарын басқаратын адамдардың абайсызда адам өліміне әкеп соққан жол қозғалысы ережелерін бұзуы" бойынша сотқа дейінгі тергеу басталды, - деп хабарлады ШҚО ПД баспасөз қызметі.
Қазіргі уақытта сотқа дейінгі тергеу бойынша бірқатар сот сараптамалары тағайындалды, олардың нәтижелері бойынша процессуалдық шешім қабылданатын болады.
Өзге ақпарат ҚР ҚПК-ның 201-бабына сәйкес жария етілмейді.
