Miras аймақтық кеңесінің отырысы өтті

Жиынға кеңес мүшелерімен ШҚО мәдениет және ШҚО білім басқармасының өкілдері қатысты.

Отырысты ашқан Miras аймақтық кеңесінің төрағасы Хуанбай Әскерхан жиынға қатысушыларға 2021 жылы аймақтық кеңестің атқарған жұмысы туралы есеп берді.

Өткен жылы Miras аймақтық кеңесінің 6 отырысы өткізілді онда AMANAT партиясының сайлауалды бағдарламасын жүзеге асыруға арналған Жол картасының тармақтарының орындалуы бойынша 17 сұрақ, өзгеде қоғамдағы мәдениет, тіл саясатына байланысты 10-нан астам сұрақтар қаралып тиісті басқармаларға 12 ұсыныс хаттамалық тапсырма ретінде берілді. Басқармалар тарапынан берілген ұсыныстар назарға алынып, хаттамалық тапсырмалар уақытылы орындалды. Десе де кейбір жергілікті атқарушы органдардың берген қағаз жүзіндегі ақпараты іс-жүзінде алшақтықтар болды. Оны кеңес мүшелері нысандарға мониторинг жасау барысында анықтады. Алдағы кезде мұндай олқылықтар болмау үшін кеңес мүшелері тарапынан бақылаушылық шараларын күшейтуіміз қажет, - деді Miras аймақтық кеңесінің төрағасы Хуанбай Әскерхан.

Отырысқа қатысқан кеңес мүшелері қазақша комикстер мен қазақ тілді контенттер жасауды қолға алуды және балалар жылына орай ертегілер байқауын өткізу қажет деген өз ұсыныстарын білдірді.

Сонымен қатар, білім және медениет сынды басқармалардың шығармашылық ұйымдармен жұмысты жандандыру қажеттігінде ескертті.