Глубокое ауданының жас садақшылары республикалық турнирде үздіктердің қатарынан көрінді

Садақшылар жас айырмашылықтарына қарай 4 санатқа бөлініп жарысты. 13-15 жас аралығында Алиса Мирзянова бас жүлде мен 1-орынды иеленсе, 10-12 жас арасында жамбы ату нысанасы бойынша Біржан Айтқалиев 2-орынды, 13-15 жас аралығында жамбы ату нысанасы бойынша Ульяна Шалухина 2-орынды алды, 10-12 жас аралығында пұт нысанасы бойынша садақ атқан Елизавета Давыдова 1-орынды иеленді, 10-12 жас аралығында пұт нысанасына тигізу бойынша Расул Бахетканов 3-орынға ие болды.

Дәрежесі бойынша гран при, жамбы, пұт және фита нысаналары болып бөлінеді. Әр бала үш нысанаға атып өз бақтарын сынады. Үш нысана бойынша ең үздік нәтиже көрсеткен Алиса Мирзянова өз жас аралығындағы 40 шақты қыздардың бәрінен озып шықты, финалда жамбы нысанасына берліген 5 оқтан үшеуін дөп тигізді, - деп атап өтті Ажар Рахметқызы. - Әрине садақ ату оңай спорт емес. Нысана көздеп, діттеген жеріңе жеткізе білу аса шеберлікті талап етеді. Сондықтан садақ ату өнерін жастар бойына тереңірек сіңірсем, қанмен келген қасиетті жаңғыртып, жігерін жанысам, әр жастың бойында дәстүрге құрмет пен өмірлік қайсарлықты қалыптастырсам деген асыл арманым бар.

Республикалық садақ ату турнирінде тек Глубокое ауданының ғана емес, Шығыс Қазақстан облысының намысын қорғап барған садақшылар үздік ондықтың ішіне кірді.