Өскемен мен ШҚО Тұрақтандыру қоры өнімдерін сататын сауда орындары көбейеді
Өскемен қаласында тұрақтандыру қорының өнімдері сатылатын павильондар саны артпақ
Тұрақтандыру қорының азық-түлігін төмен бағамен сататын "Ертiс" ӘКК" АҚ павильондарының тұрғындар үшін пайдасы зор.
Тұрақтандыру қорының павильондары көкөністер мен басқа да азық-түліктерді қолжетімді етіп, нарық бағасының өсуін тежейді. Қаламызда мұндай сауда орындарының санын арттыруға негіз бар. Қазіргі уақытта жұмыс істеп тұрған 18 павильонға қосымша тағы 6 сауда нүктесін ашу жоспарланған, - дейді шалар басшысы Жақсылық Омар.
Сонымен қатар, қала әкімдігі бірқатар аудандарда әлеуметтік сауда нүктелерін орналастыру үшін қосымша 14 жер учаскесін белгілеп отыр екен. Бұл тізім ары қарай осы учаскелерді рәсімдеу бойынша сәйкес жұмыстар жүргізу үшін "Ертiс" ӘКК-на жіберіліпті.
