Өскемен мен ШҚО Шығыста қар көшкіні жүру қаупі бар
Мамандар тұрғындарға сақ болуға және алдағы күндері ешбір жағдайда тауға шықпауға кеңес береді
«Казселезащита» ШҚО филиалының мәліметінше, 15-17 ақпан аралығында облыстың таулы аймақтарында қар көшкіні қаупі сақталады.
Шығыс Қазақстан облыстық Төтенше жағдайлар департаментінің мамандары тұрғындарға қар көшкінінің уақыты қалың қар жауып, ерігеннен, сондай-ақ аяз бен күшті желден кейін 3-5 күн өткен соң болатынын еске салады. Бұл уақытта тауға барудан бас тартқан дұрыс Облыста 497 қар көшкіні жүретін аумақтар бар.
Әсіресе жол бойындағы учаскелер қауіпті:
Өскемен – Самар,
Өскемен – Алтай,
Согорное – Барлық,
Берел – Рахман қайнарлары (Катонқарағай ауданы),
Зубовка – Путинцево,
Лениногорск – Чекмар кеніші.
112 ұялы телефонынан барлық жедел қызметтерге қоңырау шалуға арналған жалғыз нөмір екенін естеріңізге саламыз.
