Өскемен мен ШҚО ШҚО-да жыл басынан бері 50 адам үй карантиніндегі талаптарды бұзған
Үйде оқшаулануды бұзу фактілері тұрақты түрде тіркеледі, 2022 жылдың басынан бастап 13 ақпан аралығында "ASHYQ" мобильдік қосымшасы бойынша "қызыл" статустағы 456 адам, "сары" статусы бар 54 адам анықталды
ШҚО Санитариялық-эпидемиологиялық бақылау департаменті ұсынған ақпарат бойынша, облыстың 50 тұрғынына қатысты Қазақстан Республикасы "Әкімшілік құқық бұзушылық туралы" Кодексінің 425-бабының 1-бөлігі бойынша хаттамалар толтырылды.
Айта кетейік, бұл 50 адам жалпы 2 млн теңгеден астам сомаға 50 әкімшілік жауапкершілікке тартылған.
ШҚО Санитариялық-эпидемиологиялық бақылау департаменті үй карантиніндегі облыс тұрғындарын оқшаулау режимін бұзбауға шақырады. Сондай-ақ, науқаспен қарым-қатынаста болған тұлғалар басқа да адамдарға вирусты жұқтырмау үшін өзін-өзі оқшаулау режимін қатаң сақтауы тиіс.
Олардың дені Өскемен мен Семей қалаларынан. Одан өзге, Курчатов, Аягөз, Бородулиха, Зайсан, Көкпекті, Тарбағатай және Ұлан аудандарының да тұрғындары бар.
