Өскемен мен ШҚО Топқайыңда жаңа мәдениет үйі салынуда
Алтай тауының құшағында мүлгіп жатқан Қотан қарағай ауданында талай мықты тұлғаларды тудырған Топқайың атты ауыл бар. Сол ауылда 2021 жылы ауылдық Мәдениет үйінің құрылысы басталған болатын
"Ауыл - ел бесігі" мемлекеттік бағдарламасы бойынша салынып жатқан су жаңа мәдениет үйіне республикалық бюджеттен 260 миллион 928 мың теңге бөлінген. Құрылыс жұмыстарымен айналысып жатқан мердігер компания "Қазпрофстрой холдинг" ЖШС.
Мәдениет үйінің құрылысы былтыр басталды. Ескі клуб үйінің салынғанына 30 жыл болғандықтан жарамсыз деп танылды. Жоспар бойынша жаңа мәдениет үйі ағымдағы жылдың қыркүйек айында аяқталуы тиіс. Ішінде қазіргі заманғы керек жабдықтың барлығы болады, - дейді Қотан қарағай аудандық сәулет және құрылыс бөлімінің басшысы Болат Молдабаев.