Бородулиха ауданындағы су магистралінде апат орын алды

Бородулиха мен Белағаш ауылдары қосылған орталық су магистралінде апаттық жағдай орнап, ауыл тұрғындары, аурухана, балабақша басқа маңызды нысандар сусыз қалды. 

- Апат күрделі болды және апат орнын қазу  жұмыстары жағдайды қиындатты. Оның үстіне бір жердегі апаттық жағдайды қалпына келтірген кезде, екінші жерде қайта авариялық жағдай орын алды. Екі жағдайды шешу үшін бізге бірнеше күн қажет болды, - деп түсіндірді Бородулиха аудандық тұрғын үй коммуналдық шаруашылығының басшысы Алтынбек Әділбеков.

Аудан әкімінің орынбасары Ахмет Байжуманов Белағаш ауылындағы су құбыры апаты болған жерге барып, жөндеу жұмыстарын жіті бақылауында ұстады.  Аудан әкімдігі апат орнында туындаған лектр энергиясын ажырату, электр желісінің бағаналарын демонтаждау және т.б. мәселелерді шешуге көмек көрсетті. 

- Жаз маусымында су көп мөлшерде пайдаланатындықтан, су қысымы артып, құбырдың флянсы үзіліп кетті.  Бүгінгі таңда апаттың жағдай оң шешіліп, тұрғындарға ауыз су біртіндеп берілуде, - деп атап өтті Алтынбек Бақытбекұлы.

Оталық магистальда орын алған апатты жағдайдың  салдарынан мыңға жуық тұрғыны бар Белағаштың тұрғындары мен 5000-нан астам тұрғыны бар Бородулиханың жартысы бірнеше күн сусыз отырды.