Өскеменде әскери қызметшіден жалған вакцинация паспорты анықталды

ІІМ Шығыс өңірлік әскери-тергеу басқармасы бөлімінің қызметкерлері жедел-іздестіру іс-шараларын жүргізді, олардың нәтижелері бойынша Өскемен гарнизонының әскери қызметшісі жалған вакцинация паспортын жасағандығы туралы факті анықталды, деп хабарлайды Устинка LIVE тілшісі.

ҚР ІІМ Шығыс өңірлік әскери-тергеу басқармасының Өскемен бөлімінде хабарлағандай, жедел-тергеу іс-шараларының қорытындысы бойынша Әуе қорғанысы күштерінің әскери қызметшісі өзінің атына "электрондық үкімет порталында" қалыптастырылған вакцинациялаудың бірегей паспортын жастаып алған.

Қазір Өскемен қаласының №1 қалалық ауруханасының медицина қызметкерлерінің қатыстылығы тексерілуде, олар халықты вакцинациялау бойынша модульдік базаға адамдардың өз жұмыс орындары мен басқа да қоғамдық орындарға кедергісіз келуіне негіз болып табылатын жалған мәліметтер енгізді.

- Медицина қызметкерлерінің жалған паспорт беру фактісі бірқатар дәлелдемелермен расталды, оған сәйкес вакцина алған әскери қызметші ауруханаға бармады және жалған егулерді алған кезде қызметтік орнында болды, яғни, жауынгерлік кезекшілікте болды", - деп атап өтті ведомствода. - Сотқа дейінгі тергеу амалдары жүргізілуде.

Басқа әскери қызметшілер арасында осындай фактілерді анықтау бойынша тексерулер жүргізілуде.

Әскери-тергеу органдары жалған құжат дайындағаны үшін төрт жылға дейін бас бостандығынан айыру және оны пайдаланғаны үшін 40 тәулікке дейін қамауға алу түріндегі қылмыстық жауапкершілік көзделгенін еске салады.