Глубокое ауданында саудаға бағытталған жылыжай бой көтерді

Жылыжайға алғашқы жемістердің тұқымдары отырғызылып қойды. Күз келгенде олар өздерінің жемістерін бере бастайды. 

Бүгінгі таңда 13 жылыжай қаңқасы орнатылды. Жылыжайды "Fresh apple" жеке кәсіпкерлігі салып жатыр.

- Жылыжай құрылысына қатысты жұмыстар былтыр басталды. Осы уақытқа дейін біз 56 млн теңге жұмсадық әрі бұл бастамасы ғана. Алда талай істелмеген жұмыстар бар. Оның барлығын биыл күзде немесе келесі жылы көктемде толықтай аяқтаймыз. Бізге бөлінген жерде ешқандай су болмаған. Ол жерді біз бұрғылап, арнайы су тарттық, - деді "Fresh apple" ЖК басшысы Ануар Эргашев. - Әзірге көкөністер егу жұмыстарына ауыл тұрғындарын жалдадық. Алдағы уақытта тұрақты жұмыс орындарын ашып, ауыл тұрғындарын жұмыспен қамтитын боламыз. 

Бір жылыжай сырты толықтай жабылған, оған 1780 қызанақ бұталары егілді. Олар қыркүйек айының соңында жеміс бере бастайды. Екі жылыжайды осы аптада жауып, 4000 қияр бұталарын отырғызуды жоспарлап отыр, олар қыркүйектің бірінші онкүндігінде жаңа жемістер береді деп күтілуде. 

Жылыжайлар қысқы және көктем-күзгі болып бөлінеді. Кәсіпкердің айтуынша бұл жылыжай құрылыстарының бастамасы ғана, алдағы уақытта саны әлі-ақ көбеюі мүмкін.

Жылыжайдан бөлек, кәсіпкер халықтың сұранысына қарай техникалық және жеміс беретін ағаш түрлеріне арналған питомник салуда. Маусым айында питомникке 4000-ға жуық бақша және қылқан жапырақты бұталар отырғызылды.

Осы уақыт ішінде құрылыс пен отырғызу жұмыстарына Уварово ауылынан 20 шақты оқушы мен студент тартылды. Алдағы уақытта тұрақты жұмыс орындары ашылатын болады.