Аягөзде соққан қатты құйын үйлердің шатырын ұшырды

2021 жылдың 9 тамызы күні Аягөз ауданының Айғыз ауылдық округінде желдің қатты ұйытқуынан бірнеше тұрғын үй мен 1 әкімшілік ғимараттың шатырына зақым тиді.

- Қазіргі уақытта біз метеоорталықтан жел күшінің нақты жылдамдығы туралы анықтама ақпаратын күтіп отырмыз. Ол белгілі болған соң, нақты қаражат бөлу мәселесі қарастырылады. Әзірге зақым көрген үйлердің шығындарына сметалық құжаттар жасалуда, - деп түсіндірді Аягөз қалалық ішкі саясатының басшысы Руслан Абай. 

Жергілікті атқарушы орган тарапынан тиісті жұмыстар жүргізіп, жағдайды бақылауда ұстауда.