ШҚО-да жүргізу құқығынан айырылған жүргізуші тағы да мас күйінде ұсталды

Ағымдағы жылдың 22 шілдесінде сағат 21.00 шамасында Алтай ауданы полиция бөлімінің Серебрянск қалалық ПБ кезекші бөлімінің қызметкерлеріне қала көшелерінің бірінде "BMW" автокөлігінің жүргізушісі масаң күйде көлік басқаруы мүмкін деген хабарлама келіп түсті

ШҚО ПД баспасөз қызметі мәлімдегендей, патрульдік полиция инспекторлары автокөліктің жүрген жерін анықтап, тексеру барысында көлік құралын Алтай ауданының 42 жастағы тұрғыны басқарғанын анықтаған. Сондай-ақ, жүргізушіден алкогольдің иісі шығып тұрғанын байқаған және де арнайы есептер бойынша құжаттарды тексеру барысында 02.07.2021 жылы жүргізуші Глубокое аудандық сотының 2028 жылға дейінгі мерзімге автокөлік құралдарын басқару құқығынан айырылғаны мәлім болды.

Медициналық куәландыру қорытындысына сәйкес құқық бұзушыда алкогольдік масаңдықтың жеңіл дәрежесі анықталды.

Қазіргі уақытта аталған факті бойынша ҚР ҚК-нің 346-бабы 2-бөлігі бойынша сотқа дейінгі тергеу амалдары жүргізілуде.

Тақырыптар: ШҚО ПД Мас жүргізуші