“Өскемен – Алтай-Рахман қайнары” автомобиль жолында ақпараттық панно орнатылады

“Өскемен – Алтай-Рахман қайнары” автомобиль жолында ақпараттық панно орнатылады,  деп хабарлайды Устинка LIVE тілшісі. 

- Алты ай ішінде бұл жолда бірнеше ауыр апаттар болды, - дейді  ШҚО ПД. - Мамыр айының ортасында жүк көлігі аударылып, төрт адам қаза тапты. Маусым айының басында тас жолдан кетіп бара жатқан ауыр жүк көлігі тасқа соғылып, екі жеңіл көлік соқтығысып, нәтижесінде бірнеше адам ауруханаға түсті. Жол қозғалысы қауіпсіздігін қамтамасыз ету және республикалық маңызы бар “Өскемен – Алтай-Рахман қайнары” автомобиль жолында апаттылықты төмендету мақсатында авариялық-қауіпті учаскесін көрсету үшін ақпараттық панно орнатылады.

Айта кетейік, ағымдағы жылдың алты айында республикалық маңызы бар автомобиль жолдарында 50 жол-көлік оқиғасы тіркелді. Жол-көлік оқиғаларының пайда болуының негізгі себептері – жылдамдық режимі мен маневр жасау ережелерінің бұзылуы болып табылады.