ШҚО-да 77 ауылдық округ әкімдерінің орнына 239 кандидат ұсынылды

Жалпы, Қазақстан бойынша бір мезгілде 700-ден астам ауылдық округ әкімі сайланады. ШҚО-да облыстың 16 ауданында 77 әкім сайлаумен тағайындалды.
26 маусымнан бастап өңірде аудандық маңызы бар қалалардың, ауылдардың, кенттердің, ауылдық округтердің әкімдеріне кандидаттар ұсыну рәсімі басталды.

Жұма, 9 шілде, сағат 18.00-де ұсыну кезеңі аяқталды. Шығыс Қазақстан облыстық сайлау комиссиясының төрағасы Ерсайын Нәбиевтің ақпараты бойынша, барлығы 77 сайлау округінде 239 кандидат ұсынылды. Олардың 60% - дан астамы немесе 152 адам өзін-өзі ұсынған, 87 адам немесе 36% - ы саяси партиялармен ұсынылған.

- Барлық сайлау округтері бойынша ауылдық округ әкімдері қызметіне Nur Otan партиясынан 61 кандидат, "Ауыл" халықтық-демократиялық патриоттық партиясынан 19 кандидат, АDAL саяси партиясынан үш кандидат, Қазақстан Халық партиясынан екі кандидат, Қазақстанның "Ақ жол" демократиялық партиясынан және Жалпыұлттық социал-демократиялық партиясынан бір кандидаттан үміткер ұсынылды, – деп хабарлады Ерсайын Нәбиев.

Орташа бәсекелестік бір орынға үш адамды құрады. 239 үміткердің 61-і немесе 25,5%-ы әйелдер. Ауыл әкімдерінің орнына үміткерлердің орташа жасы - 43 жас. Бұл жағдайда ең жасы 26 жаста, ең үлкені – 61 жаста. Барлық кандидаттардың 94-і ауылдық округте, 130-ы ауданда, 14-і облыста тұрады.

Сонымен қатар, бір кандидат басқа аймақта тұрады, бірақ ол сайлауға түсетін ауылдық округте дүниеге келді. Үш үміткер өздігінен бас тартуға өтініш берді, бір кандидат "Мемлекеттік қызмет туралы" заңнама талаптарына сәйкестігін тексеруден өтпеді. Заңнама талаптарына сәйкестігін анықтау және кандидаттарды тіркеу бойынша іс-шаралар жүргізіледі. 12 шілдедегі жағдай бойынша 233 кандидат ресми түрде тіркелді.

Тіркеу рәсімі 14 шілдеде сағат 18.00-де аяқталады.