Өскемен мен ШҚО Жидебайға қарай салт аттылар келе жатыр
Ел Тәуелсіздігінің 30 жылдығына орай Ұлттық Ат туризмі федерациясының ұйымдастыруымен салт аттылардың көпкүндік экспедициясы өтіп жатыр
Бұл - жақында ғана ашылған Ұлттық Ат туризмі федерациясының тұсаукесер сапары. Маусым айының 10-ында бастау алған экспедиция 30-ы күні аяқталады деп жоспарлануда. Нұр-Сұлтан - Жидебай бағытын қамтитын салт атты сапар 1000 шақырымды құрайды.
Следующая →
- Экспедицияның негізгі мақсаты - еліміздегі тарихи нысандарды атпен аралау, Елбасының "Атқа міну мәдениеті" бастамасын насихаттау, Қазақстанда жылқы туризмін дәріптеу және ел жастарының тарихымызға, киелі жерлеріміз бен атқа мінуге деген қызығушылығын ояту. Бұл сапар өткен жылы, яғни Абай Құнанбайұлының 175 жылдығы аясында жоспарлаған болатын. Алайда әлемде коронавирус індетінің таралуына байланысты бір жылға шегерілді. Көпкүндік сапар Нұр-Сұлтан қаласы маңындағы ежелгі Бозоқ қалашығынан бастау алып, Ақмола, Павлодар, Қарағанды, Шығыс Қазақстан облысы жерлеріндегі киелі, тарихи орындарды аралайды, - дейді экспедицияны ұйымдастырушы, Ұлттық Ат туризмі федерациясының Президенті Берік Ақылбеков.
