ШҚО-да екі жасар қыз терезеден құлап кетті

2018 жылы туған қыз ата-анасының қарауынсыз қалып,  жатақхананың терезесінен құлап кетті, деп хабарлайды Устинка LIVE тілшісі.

- Куәгерлердің айтуынша, терезеден алдымен мысық, содан кейін бала құлап түсті.  Қазір бүлдіршін ауруханада жатыр, жағдайы ауыр, - деп хабарлады ШҚО ТЖД баспасөз қызметі. - Өңірде бұл жыл басынан бергі екінші жағдай. Көбінесе мұндай жазатайым оқиғалар ата-аналар терезелерге қорғаныс құрылғыларын орнатпағандықтан және балаларды жалғыз қалдырып, немқұрайдылық танытқандықтан болады.

ШҚО ТЖД мамандары түрлі акциялар, профилактикалық рейдтер өткізіп, ата-аналарға қауіпсіздік шараларының маңызын жеткізеді, алайда, тәжірибе көрсеткендей, барлық отбасылар мәселенің мәнін түсінбермейді. 

ШҚО ТЖД қауіпсіздік шараларын сақтауды ұсынады:

- Терезелерге баланың терезені ашуына мүмкіндік бермейтін арнайы бекіткіштерді орнату;
-  кішкентай балаларды жалғыз қалдырмау және үлкен балаларға оларға күтім жасауды тапсырмау; 
- бала терезе алды тақтайына еркін көтеріле алмауы үшін жиһаздың барлық түрлерін терезелерден аластату; 
- ешқашан москит торларына сенбеңіз! Олар балаларды құлаудан қорғаудың құралы емес!