ШҚО-да 3000-ға жуық балалардың тілегі орындалды

ШҚО Өңірлік коммуникациялар қызметінің хабарлауынша, 2016 жылдан бастап Шығыс Қазақстан өңірлік білім берудегі жаңа технологиялар орталығы қайырымдылық акциясын өткізуде, деп хабарлайды Устинка LIVE тілшісі.

Алты жыл ішінде 13000 тілек орындалды. Биыл балалардың армандары 1 наурыздан бастап орындала бастады.

- Науқан Tylek.кz сайтында өткізілген уақыт ішінде ерекше білім беру қажеттіліктері бар балалар мен жасөспірімдерден, көп балалы және аз қамтылған отбасылардан, қамқоршы әжелер, аталар болып табылатын отбасылардан, сондай-ақ ата-анасы мүгедек балалардан 2944 хат-тілек орналастырды, - деп атап өтті мекеме. - Барлық тілектер орындалды.

Өз хаттарында кішкентай шығысқазақстандықтар түрлі өтініш білдірді. Тілектер: спортқа арналған жабдықтар, киім-кешек, оқу құралдары, сурет салуға және хоббиді дамытуға арналған кеңсе тауарлары, кітаптар болды.

- Мен тоғызыншы сыныпта оқимын, - дейді Виктория Шихалева. - Анам қазір менің кішкентай сіңіліммен үйде отыр, жұмыс істемейді. Біздің бүкіл отбасымызды әкем қамтамасыз етеді. Сонымен қатар ақырындап үйімізге жөндеу жұмыстарын жүргізудеміз. Маған жазғы аяқ киім мен оқу құралдарын сатып алуға көмектесті. Көмек үшін өте ризамын.

Облыстың жанашыр тұрғындарының арқасында балалар қалаған сыйлықтарын алды. Ең белсенді демеушілер ШҚО Білім басқармасының алғыс хаттарымен марапатталды.