ЭЦҚ бөтен адамдарға беруге болады ма?

Біздің көпшілігіміз ақыға eGov.kz-пен жұмыс істеуге көмектесуге дайын адамдармен немесе компаниялармен кездестік, деп хабарлайды Устинка LIVE тілшісі. Алайда сарапшылар оларға сенбеу керек дейді, өйткені осылайша құпия ақпарат алаяқтардың қолына түсуі мүмкін.

ШҚО бойынша "Азаматтарға арналған үкімет" филиалының баспасөз қызметі өздерінің электрондық цифрлық қолтаңбаларын үшінші тұлғаларға сеніп тапсыра отырып, адамдар алаяқтардың құрбанына айналу қаупі бар екенін айтты. Олар жеке кабинетке кіру арқылы не істей алады:

• заңды және қаржылық мәмілелер жасасу;
• автокөлікті немесе жылжымайтын мүлікті басқа адамға қайта ресімдеу;
• баспанаға бөтен адамды тіркеу.

- Ең бастысы есіңізде болсын: әрбір ХҚКО-да өзіне-өзі қызмет көрсету секторлары бар, онда фронт-офис қызметкерлері қажетті мемлекеттік қызметтерді портал арқылы тегін алуға көмектеседі, - деді  "Азаматтарға арналған үкімет" облыстық филиалының баспасөз хатшысы Мөлдір Заруеткызы. - Ал біздің ресми YouTube-арнамызда ең танымал мемлекеттік қызметтер бойынша бейне нұсқаулықтар бар.
Егер сіз өз ЭЦҚ-ны жоғалтқан болсаңыз, онда бірден жаңасын жасаған дұрыс, ал "ҚР Ұлттық куәландырушы орталығының" жеке кабинеті арқылы жоғалған кілттерді қайтарып алған жөн.