Құрылысшылар мен тапсырыс берушілер іскерлік байланыстарды нығайтуда

Өңірдің ірі мердігерлері құрылыс саласындағы қазақстандық қамту үлесін арттыруға, ал отандық өндірушілер өз тауарларын өткізуге мүдделі.

ШҚО әкімінің орынбасары Шәкәрім Буктугутовтың төрағалығымен құрылысшылар мен құрылыс жұмыстарының мердігерлерінің ауқымды кездесуі ШҚО Кәсіпкерлер палатасының бастамасымен Zoom форматында өтті, деп хабарлайды Устинка LIVE тілшісі.

Отандық құрылыс материалдарын өндірушілерді қолдау үшін кеңеске 74 құрылыс нысандарында жұмыс істейтін мердігерлік ұйымдардың өкілдері, сондай-ақ жобаларға тапсырыс берушілер - ШҚО Құрылыс, сәулет және қала құрылысы басқармасы, Өскемен, Семей, Зайсан, Риддер қалаларының, Бесқарағай, Тарбағатай, Үржар, Көкпекті, Шемонаиха, Ұлан аудандарының құрылыс және тұрғын үй-коммуналдық шаруашылық бөлімдері шақырылды.

- Биыл облыс бойынша 156 құрылыс жобасын іске асыру жоспарланған, оның ішінде "Жұмыспен қамту 2021 жол картасы" бағдарламасы бойынша - 22 жоба, құны 100 млн теңгеден астам - 134 жоба. Бизнес субъектілерінің жұмысын жоспарлау мақсатында біздің ведомствоның ресми сайтында 156 жоба бойынша сметалық құжаттама орналастырылды, - деп хабарлады ШҚО Құрылыс, сәулет және қала құрылысы басқармасы басшысының орынбасары Арман Байболов.

Кездесудің барлық қатысушыларына алдын ала құны 100 млн теңгеден асатын ірі объектілерде, сондай-ақ "Жұмыспен қамту 2021 жол картасы" бағдарламасы шеңберінде салынып жатқан объектілерде негізгі құрылыс материалдарына, бұйымдарға, конструкцияларға және жабдықтарға қажеттілік бойынша жиынтық ведомостар жіберілді. Кәсіпорындарға тапсырыс берушілер мен мердігерлерге материалдардың атауын, жеткізу көлемін және құнын көрсете отырып, ұсыныстар енгізу үшін осы объектілер бойынша өздері өндіретін өнімді іріктеп алу ұсынылды. Отандық тауар өндірушілер (ОТӨ) өз өнімдерін және әлеуетін мердігерлерге таныстырды. Қорытындысы бойынша Шәкәрім Буктугутов бірқатар тапсырмалар берді. Осылайша, құрылыс жобаларының тапсырыс берушілері - қалалар мен аудандардың әкімдіктері – жобалау-сметалық құжаттамаға отандық өндірушілердің тауарларын пайдалануды барынша салуы қажет. Кәсіпкерлік және индустриалды-инновациялық даму басқармасына ШҚО ОТӨ өнімдерінің каталогын әзірлеу тапсырмасы берілді. Құрылыс басқармасы құрылыс салушыларға жергілікті өндірушілердің тауарлары туралы толық ақпарат жеткізуі тиіс.

- Мұндай кездесулерді тек құрылыс бойынша ғана емес, басқа салалар бойынша да тұрақты негізде өткізу туралы шешім қабылданды. Палатаның "Қазмырыш" ЖШС және "Шығыстүстімет" ЖШС қала құраушы кәсіпорындарымен ОТӨ кездесулер өткізуде жақсы тәжірибесі бар, олардың тиімділігі бизнес үшін айқын. Сондықтан мердігерлік жұмыстардың мемлекеттік тапсырыс берушілері мен жергілікті өндірушілер арасындағы өзара іс-қимылдың нығаюы өз жемісін беретініне және облыстың кәсіпкерлік әлеуетінің дамуына ықпал ететініне сенімдіміз, - деп түсіндірді ӨКП директорының орынбасары Қайрат Мамырбаев.