Риддер тұрғындарының 9 бизнес жобасы қолдау тапты

Риддер қаласында тиімді жұмыспен қамтуды және жаппай кәсіпкерлікті дамытудың 2017-2021 жылдарға арналған "Еңбек" мемлекеттік бағдарламасы шеңберінде жаңа бизнес-идеяларды іске асыруға арналған гранттарды қарау жөніндегі комиссия отырысы өтті

Барлығы грантқа 11 өтінім қаралды, оның ішінде 4-еуі көпбалалы отбасы
мүшелері.

- Жалпы сомасы 5250,6 теңгеге 9 жоба мақұлданды, - деп мәлімдеді аудан әкімдігіндегілер. - Соның ішінде "Шығармашылық шеберхананы" ұйымдастыруға арналған 1 жоба бар (табиғи және импровизацияланған материалдардан кәдесыйлар жасауға үйрету, тегін шеберлік сағаттарын өткізу, кәдесыйлар жасау және "Кәдесыйлар дүкенін" ашу). Оны ұсынған қаладағы танымал қолөнерші Ирина Бородкина - көпбалалы ана, оның жұмысы көптеген қала тұрғындарына таныс, үйлердің кіреберістерін бояп, мерекелерде тегін шеберлік сағаттар өткізеді.

Сонымен қатар, ұлттық нақыштағы бұйымдарды тігу цехін ашыу, кондитерлік өнімдер өндірісі, "Фризерден жұмсақ балмұздақ жасау", "Тез тамақтану орны (бургерная)", "Неодим лазермен татуажды жою" жобалары бар.

Тақырыптар: ШҚО Риддер Бизнесті қолдау