Сақтағанов Семей қаласындағы басты мәселелерді атады

БАҚ өкілдерімен өткен жұмыс кездесуі аясында қала басшысы Нұрымбет Сақтағанов Семей қаласының әкімі лауазымына кіріскен уақыттан бастап кездескен негізгі мәселелерді атап өтті

Қала басшысы жылумен жабдықтау, жарықтандыру, қоқыс шығару, автобус маршруттары мен жол мәселелерін алға тартты. Сондай-ақ, Нұрымбет Сақтағанов қала тұрғындарының орташа жалақы мәселесіне тоқталып, бұл проблема жаңа жұмыс орындарын ашу кезінде шешілетінін атап өтті.
⠀

- Ең бастысы-біз азаматтарымыз үшін лайықты жалақысы бар жаңа жұмыс орындарын ашуымыз керек. Жасыратыны жоқ, семейліктердің орташа жалақысының өскенін қалаймыз. Алайда, жалақысы жоғары бос жұмыс орындар да аз емес. Мысалы, бізде 30 жасқа дейінгі жастарды қызметке алуға дайын әскери бөлімдер бар. Егер әскери билет болса, жалақы 200 мың теңге болады. Сонымен қатар, басқа да мемлекеттік қолдаулар да бар. Бірақ, өкінішке орай, оған ешкім мойынсұнбайды, - деді әкім.

⠀
Сондай-ақ, қала басшысы бүгінгі таңда Семей кәсіпорындарында 700-ге жуық бос жұмыс орны ашылғанын және олардың біріне орналасқысы келетіндер үшін қажетті мамандыққа қайта оқуға мүмкіндік бар екенін атап өтті.

Тақырыптар: ШҚО Семей Сақтағанов