Риддер әкімдігі өрттен жапа шеккендерге салынып жатқан баспаналардың сапасына қатысты сынға жауап берді

Риддердегі орман шаруашылығында бүкіл елде мәлім болған алапат өрттен кейін, арада бірнеше күн өткенде әлеуметтік желілерде шенеуніктердің Лесхоз кентінде зардап шеккендерге арнап салынатын үйдің қаражатын үнемдеуге шешім қабылдағаны және оның құнын төмендетуге ниетті екендігі туралы әңгіме тарап кетті.

Бұған жауап ретінде Риддер қаласы әкімдігінің Instagram әлеуметтік желісіндегі ресми парақшасында "өрттен зардап шеккендерге арналған бір қабатты тұрғын үйлер салуға арналған материалдар туралы" ақпарат жарияланды Қала басшылығы өз кезегінде өрттен зардап шеккендерге арналған үйлерді салу жобасын арзанырақ ету туралы мәселе туындамайтындығына сендірді.

- Үй салуға арналған қабырға материалын таңдау кезінде климаттық жағдайларды, қондырғының құны мен жылдамдығын, оның жылу өткізгіштігін ескеру қажет. Өрт қауіпсіздігі талаптарына сәйкес, газдалған бетон да, кірпіш те отқа төзімділіктің бірінші класына жатады. Бұл дегеніміз, олар түтін шығармайды, жанбайды. Материалдар арасындағы айырмашылық ашық отқа ұзақ уақыт әсер еткеннен кейін көрінеді. Өрт кезінде кірпіштен жасалған үй төзімділік күшін едәуір жоғалтады. Ал ашық от газдалған бетонға (газоблок) кері әсер етпейді. Қабырғаға қаланатын газобетонның 1 шаршы метрі - 22,8 мың теңгені құрайды. Ал күйдірілген қызыл кірпіштің бағасы да  осыған шамалас - 22,7 мың теңге, - делінген инстаграмдағы әкімдіктің жеке парақшасында