Риддерде жергілікті орман шаруашылығында өрт шықты

Орман шаруашылығы кентінің тұрғындары құрғақ шөп өртеніп жатқаны жайлы құтқару қызметіне хабарлаған

ШҚО ТЖД баспасөз қызметі хабарлағандай, Риддер орман шаруашылығының Орталық орманшылында екі гектар аумақтағы құрғақ шөп жалынға оранған.

Оқиға орнына орман шаруашылығы қызметкерлері мен ШҚО ТЖД құтқарушылары жедел жеткен.

- Тілсіз жаумен күреске алты бірлік техника мен жеке құрамның жүзге тарта маманы жұмылдырылған, - деп мәлімдеді мекеменің баспасөз қызметі. - Алдын ала болжам бойынша өрттің шығуына абайсыздық себеп болған.

Қазіргі таңда оқиға орнына әуе-орманқорғанысының "МИ-8" ұшағы ұшып шықпақ. Өртті сөндіруге әуеден су себетін болады.

Тақырыптар: Пожар в Риддере ДЧС ВКО Пожар в лесном хозяйстве