Өткен тәулікте шығыс өңірінде COVID -19 ауруына 103 адам шалдықты

Қазақстан бойынша коронавирустық инфекцияға ПТР сынама тапсырған 2350 адамнан оң нәтиже анықталды, деп хабарлайды Устинка LIVE тілшісі.

Аурулардың ең көп саны Алматыда - 637 адам. Ең азы - Солтүстік Қазақстан облысында – 15. Нұр-Сұлтан қаласында- 324 науқас.  Шығыс Қазақстан облысында 103 адам тіркелген.

Өткен тәулікте елімізде коронавирустық инфекциядан 3106 адам сауығып шыққан. Шығыс Қазақстан облысында 72 адам жазылды. Жалпы республика бойынша індеттен айыққандардың саны – 297.268 адам.

Қазақстан Республикасы Денсаулық сақтау министрлігінің мәліметтері бойынша 8 мамырдағы жағдай бойынша 42.695 адам CVI-ден емдеуді жалғастыруда. Оның ішінде 14656 науқас стационарда, 28 039 науқас амбулаториялық деңгейде . Ауыр жағдайда - 803, өте ауыр жағдайда – 174, тыныс алу аппаратында - 106 науқас.