ПТР сынама тапсыруға міндеттелген кімдер?

ШҚО Бас мемлекеттік санитарлық дәрігері "Шығыс Қазақстан облысының тұрғындары арасында COVID-19 коронавирустық инфекциясының таралуының алдын алу жөніндегі шараларды күшейту туралы"  2021 жылғы 15 сәуірдегі №5 қаулысына өзгертулер енгізді, деп хабарлайды Устинка LIVE тілшісі хабарлайды.
Дәрігерлер шектеу шаралары аясында кімдерге ПТР тестілеуден өтуі керек екенін айтты.

Сонымен, профилактикалық мақсатта COVID-19-қа қарсы екпенің толық емін алғандығы туралы құжаттық дәлелдемелер болмаған жағдайда, COVID-19 үшін ПТР сынама тапсыратындар:

- әскери қызметке шақырылған және әскери қызметтен кейін демобилизацияланған адамдар;
- жоспарлы түрде ауруханаға жатқызылған науқастар;
- шұғыл ауруханаға жатқызылған науқастар;
- науқас баланы күту үшін медициналық ұйымдарға жатқызылған адамдар;
- госпитализацияға дейінгі жүкті әйелдер;
- гемодиализдегі науқастар айына бір рет;
- қылмыстық-атқару жүйесі мекемелеріне кіретін адамдар;
- медициналық-әлеуметтік мекемелерге жаңадан қабылданған қызметкерлер мен ай сайын көрсетілетін қызметті алушылар;
- медициналық-әлеуметтік мекемелердің персоналы;
- медициналық ұйымдарда тәжірибе бастамаған  медициналық жоғары оқу орындарының және медициналық колледждердің студенттері;
- 5 немесе одан да көп уақыт аралығында демалысқа, іссапарға, ауруға және басқа да себептерге байланысты жұмыс орнында болмаған медициналық қызметкерлер.