10 000-нан астам өскемендікке жеңілдік карталарын берді

Бүгінде облыс орталығының 10.000 тұрғыны аталмыш жол жүру картасына ие болған.

- Жеңілдік карталарының көбі 70 жастан асқан зейнеткерлерге берілді. Сондықтан біз қала тұрғындарынан жасыл карта туралы туысқандарына, отбасы мүшелеріне, таныстарына айта жүруін сұраймыз, - дейді Өскемен қалалық ЖТБО директоры Әби Әлмембетов.

Естеріңізге сала кетейік, қаладағы автобустар мен трамвайларға электронды төлем жасау құрылғылары орнатылған. Қоғамдық көліктерде электронды төлеу мамыр айынан басталады.

- Бұл жүйе қалада бұрыннан бар барлық жеңілдіктің түрін сақтап қалуға құзырлы. Кімнің қандай жеңілдікке ие екенін oskemencard сайтының "тарифтер мен жеңілдіктер" бөлімінен қарап біле аласыз, - дейді Жолаушылар тасымалын басқару орталығында.

Жеңілдіктер тек Oskemencard жүйесін қолданған кезде ғана жарамды болмақ.
Жеңілдік картасын алу үшін ең алдымен өтініш беріп, жеке басын куәландыратын құжат пен жеңілдікке ие болу құқығын растайтын құжатты беруіңіз керек. Таңдау бойынша, сіз фотосуреті бар картаны шығара аласыз, бұл үшін оны өтінім беру кезінде көрсетуіңіз керек.

Жеңілдікті карточканы шығаруға өтініштер мына мекен-жайлар бойынша қабылданады (70 жастан асқан адамдарға арналған жеңілдік карталарын есепке аламағанда):

• Өскемен қаласының жұмыспен қамту және әлеуметтік бағдарламалар бөлімі» мемлекеттік мекемесі, Шәкәрім даңғылы, 149/1;
• Өскемен қаласының жолаушылар тасымалын басқару орталығы ЖШС, Жібек жолы көшесі, 3.

70 жастан асқан адамдарға жеңілдік картасын беруге өтініштер "Өскемен қаласы әкімдігінің аумақтық басқару орталығы" КММ филиалдарының мекен-жайлары бойынша қабылданады:

№1 – Қаныш Сәтпаев даңғылы, 36
№2 – Челюскин көшесі, 17/
№ 3 – Чехов көшесі, 68
№4 – Буров көшесі, 24
№5 – Менделеев көшесі, 4
№6 – Атлантик көшесі, 38
№7 – Добролюбов көшесі, 25
№8 - Гагарин бульвары, 20
№9 - Мұхамеджан Тынышпаев көшесі, 123
№10 – Бажова көшесі, 546
№ 11 - Максим Горький, 11а, Меновное мөлтек ауданы.

Өскемен қаласының жолаушылар тасымалын басқару орталығы ЖШС, Жібек жолы көшесі, 3.