Өскемен мен ШҚО Өскемендегі өрттен 12 адам құтқарылды: оның екеуі – балалар
Бүгін таңертең облыс орталығындағы көпқабатты үйлердің бірінен өрт шықты
Өрт бүгін сағат таңғы 8.00 шамасында Дәулет Серікбаев көшесіндегі үйден шықты, деп хабарлайды Устинка LIVE тілшісі. Оқиға орнына келген құтқару қызметінің қызметкерлері ең алдымен адамдарды түтіннен шығаруға кірісті.
- Құтқарушылар үйдің 12 тұрғынын, оның ішінде екі баланы эвакуациялады. Екінші қабаттағы өртеніп жатқан пәтерден 50 жастағы ер адам құтқарылды. Оның денесін күйік шалғандықтан дәрігерлерге тапсырылды. Оның үйіндегі жеке заттар мен бөлме жиһаздарын жалын шарпыған. Өрт тез арада сөндірілді, - деді ШҚО ТЖД мамандары.Кейін мәлім болғандай, ер адамның төсекте жатып темекі шегуінің арты өртке алып келген. Облыстық төтенше жағдайлар департаменті тілісз жаумен күресуге 16 құтқарушы мен алты техника жұмылдырылғанын атап өтті.