Өскемен тұрғыны бес жастағы туысына көмек сұрайды

Төрт реттік иммунды емдеу курстарына 360 мың доллар немесе 155 миллион теңге қажет. Никитаға бүкіл ел болып көмек қолын созуда.

- Никита - менің туыс бауырым, Батыс Қазақстанда тұрады. Ол үшінші жыл ауыр дерт -  ішастар арты кеңістігі нейроблостомасымен күресіп келеді. Анасы екеуі аурухана жағалап жүргелі қашан, - дейді облыс орталығының тұрғыны Валентина Волкова. - Никита химиотерапия мен жілік майының аутологиялық трансплантациясынан өтті. Енді келесі кезең - Түркияда иммунды ем қабылдау. Төрт курстың құны - 360 000 доллар!

Бұл диагнозды балалық шақта емдеп алуға болады. Бірақ ем бағасы жоғары.

- Бастапқыда өз күшімізбен тырысып көрдік, кейін еріктілер қосылды. Бірақ түрік клиникасы ем ақысын ұсынғанда Никитаның атан-анасы қайырымды жандарға алақан жаюға мәжбүр болған, - дейді Валентина Волкова. - Никитаның дерті менің де жаныма батады. Уақыт күтпейді. Сондықтан баршаңыздан бейжай қалмай, көмек қолын созуларыңызды өтінеміз.

22 сәуір күні Никитаның шотына жиналған қаржы 62 137 644 теңгені құрады, енді 92 862 356 теңге жинау қажет.

Никита Астафьевке көмек көрсету реквизиттері:

Каспий Банк есепшот нөмірі: KZ 38722С000047084146 
Kaspi Gold: 4400 4301 8010 2268 
Телефон: 8-777-194-37-05 (Сергей Астафьев, Никитаның әкесі). 
Никитаның парақшасы Instagram @nikita_pomosh.