ШҚО-да "Дәрігерлерді ардақтайық" акциясы өтті

Акцияның басты мақсаты короновирус инфекциясымен күресіп жатқан дәрігерлерге қолдау беріп, құрмет көрсету. Осы орайда, Өскемен және Семей қалаларында 100 дәрігерге алғыс пакеттері табысталды. Өскемен қаласы бойынша акцияға қолдау көрсеткен – ЖШС "Эмиль" директоры, Өскемен қалалық мәслихатының депутаты Аберле Анна Эрвиновна. Алғыс пакеттерінің ішінде: "Эмиль" ЖШС сүт өнімдері, Шоколад (Казахстан), Бал (300 гр), Халва, Шай, Сгущенка, Жемістер (алма, лимон, апелсин) және т.б. 

Jas Otan Жастар қанатының Шығыс Қазақстан облыстық филиалының төрағасы, Өскемен қалалық мәслихатының депутаты – Алмас Айтмұқаш бұл акция арқылы біз дәрігерлерге деген құрметтің жоғары екендігін және бұл індетте халықпен бірге екендігін көрсету болды. 

- Пандемия басталғалы бері біз Республикалық "Біз Біргеміз!", "Дәрігерлерді ардақтайық" сынды акцияларды ұйымдастыру арқылы өз бірлігімізді, қуатты ел екенімізді көрсетіп келе жатырмыз, - деді Jas Otan Жастар қанатының белсендісі Дастан Нұршуақ.

Инфекциялық аурухананың дәрігерлері акцияны ұйымдастырушы Nur Otan партиясы жанындағы Jas Otan Жастар қанатының Шығыс Қазақстан облыстық филиалының белсенділеріне алғысттарын білдірді.