Өскемендегі бір аудан 19-нан 20-сына қараған түні сусыз қалмақ

"Өскемен-Водоканал" МКК баспасөз қызметі мәлімдегендей, Пионер су жинағышындағы электр үнемдеу құрылғыларын ауыстыру және Тоқтаров көшесі, 35 мекенжайындағы диаметрі 100 мм ілмекті арматураны айырбастау бойынша жоспарлы жұмыстарна орай суық су уақытша тоқтатылады.

- Пионер су жинағышы мен Мызадағы екінші сорғы станциясындағы жұмыстар тоқтатылады, - дейді кәсіпорын мамандары.

Октябрь ауданындағы мына көшелерде уақытша суық су болмайды: Әуезов даңғ., Жеңіс даңғ., Қ. Қайсенов, Крылов, Тоқтаров, К. Либкнехта, Лихарев, Славский ат. Жағаалу, М. Горький, Бейбітшілік, Чехов, Қазақстан, Қабанбай батыр, Новаторлар, С. Нұрмағамбетов, Л. Толстой, Протозанов, Пермитин, Буров, Мыза көшелері, Красин кенті, Әлеуметтік нысандар: 11 мектеп, бес балабақша, алты аурухана және поликлиника, бір колония.