Жақын күндері ШҚО-да қар көшкіні жүру қаупі бар

13-19 сәуір аралығында Шығыс Қазақстан облысының таулы аймақтарында қар көшкіні қаупі сақталады, деп хабарлайды Устинка LIVE тілшісі.

 - Ауа райының құбылмалы болуы, қардың қарқынды еруі - өздігінен қар көшкінінің түсуіне әсер ететін факторлар, - деп хабарлайды  ШҚО ТЖД. 

Департамент облыста автомобиль жолдары мен елді мекендерге қауіп төндіретін қар көшкіні қаупі бар 336 аймақ бар екенін еске салады. Оларды «Қазселденқорғау» ШҚ филиалы мамандары үнемі қадағалап отырады. Олар қар көшкіні қаупі бар ошақтарға жер үсті және аэровизуалды зерттеулер жүргізіп, тауда қардың жиналуын бақылайды. Қажет болған жағдайда профилактикалық түсіруді жүзеге асырады.

- Тауларға шықпаңыз және ауа райы болжамдары мен құтқарушылардың хабарламаларын орындаңыз. Қар көшкіні қаупі туындаған жағдайда серуендеуден/атқа отырудан аулақ болыңыз. Ескерту белгілерін ескермей кетпеңіз, - деп ескертеді ШҚО Төтенше жағдайлар департаменті.

Егер сіз төтенше жағдайға тап болсаңыз, "101" немесе "112" нөміріне қоңырау шалыңыз.