Тұрмыстық зорлық-зомбылықпен күресу жолдары түсіндіріледі

Ақпараттық бағдарлама "Қазақстанның тең құқықтар мен тең мүмкіндіктер институты" ҚҚ-ның жаңа жобасы -  "Дағдарыс орталықтарының қызметін жетілдіру, отбасылық-тұрмыстық зорлық-зомбылықтың алдын алу және агрессорлармен жұмыс істеу жөніндегі шараларды әзірлеу және іске асыру" шеңберінде жоспарланған, деп хабарлайды Устинка LIVE тілшісі.

Қордың мәліметінше, 2020 жылдың 11 айында Қазақстанда отбасылық-тұрмыстық салада әйелдердің денсаулығына қасақана жеңіл зиян келтірудің 13 мыңнан астам фактісі тіркелген.

- Жаңа жоба аясында біз алғаш рет ер адамдармен сөйлесуге "URAN.KZ" қоғамдық бірлестігін тартамыз. Оның қызметкерлері - арнаулы қызметтердің бұрынғы өкілдері еліміздің 10 әскерилендірілген оқу орындарында ақпараттық-түсіндіру науқанын өткізеді, агрессиямен жұмыс істеуге, проблеманы талқылауға және зорлық-зомбылық құрбандарын қорғауға үйретеді, - деп "Қазақстанның тең құқықтары мен тең мүмкіндіктері институты" ҚҚ өкілдері айтып берді.

Сонымен қатар, отбасылық-тұрмыстық зорлық-зомбылықтың алдын алу және агрессорлармен жұмыс саласындағы сарапшылар әйелдерді зорлық-зомбылықтан қорғау жөніндегі 75 инспекторды және кәмелетке толмағандармен жұмыс істеу жөніндегі мамандарды оқытып, біліктілігін арттыруға, елдің 17 өңірінің дағдарыс орталықтарында қызмет көрсету сапасын арттыруға ниеттеніп отыр. Инспекторлар үшін агрессорлармен жұмыс істеу жөніндегі нұсқаулықтарды әзірлеу, агрессорлардың қолынан зардап шеккен 500 әйел мен олардың балаларына психологиялық көмек көрсету.

9 айға созылатын жоба 2021 жылдың 1 наурызында еліміздің 17 өңірінде іске қосылды. Бағдарлама ҚР Ақпарат және қоғамдық даму министрлігінің тапсырысы бойынша және "Азаматтық бастамаларды қолдау орталығы" КЕАҚ гранттық қолдауымен жүзеге асырылды.

- Қордың осы мәселе бойынша үлкен тәжірибесі бар, - дейді жоба үйлестірушісі, әлеуметтану магистрі Татьяна Резвушкина. - Жоба аясында ҚР өңірлерінде тұрмыстық зорлық-зомбылықтың алдын алу тетігін жетілдіру жөніндегі республикалық жобалық кеңсе құрылатын болады. Заңнаманы жетілдіру бойынша, оның ішінде дағдарыс орталықтары мен баспаналардың қызметіне қатысты ұсынымдар талданды және әзірленді. Жобаның ерекшелігі - кемінде миллион адамды ақпараттық қамту.

Мамандар адвокаттармен және психологтармен белсенді ынтымақтасуға, тұрмыстық зорлық-зомбылықтан зардап шеккендер үшін тегін консультациялар өткізуге ниетті. ҚҚ президенті Маргарита Ускембаева және жоба сарапшысы, тұрмыстық зорлық-зомбылық құрбандары баспанасының кеңесшісі Айгүл Мұстафина жариялаған жұмыс істеп тұрған дағдарыс орталықтарының қызметкерлеріне арналған оқыту тренингтері мен "кейс-менеджмент" технологиясының тәжірибесін қолдану жоспарланған.

"ARASHA" - Қордың әлеуметтік жобасы, 2017 жылдың 1 шілдесінен бастап жұмыс істейді. Мұнда әйелдер психологиялық, заңгерлік көмек алады, жұмысқа орналасады немесе мамандық алуға көмектеседі. Олар тұрмыс құрып та жатады.

- Біз диалогқа ашықпыз, отбасылық тақырып, баспана тұрғындарының тарихы бойынша қызықты зерттеулер бар. Жобаның іс-шараларына қатысуға шақырамыз, - дейді ұйымдастырушылар.

Байланыс: "Қазақстанның тең құқықтары мен тең мүмкіндіктері институты" ҚҚ президенті Маргарита Ускембаева, телефон: 8(727)272-04-57, 8-777-359-02-77. Жоба үйлестірушісі Татьяна Резвушкина, телефон: 8-701-484-33-63. Сайт: arasha.org.kz.