Өскеменде «Алтын шебер» атты қолөнер бұйымдары көрмесі ашылды

Көрменің мақсаты – түркі халықтарының ұлық тойы – Наурыз мерекесін ұлттық ғұрпымызбен байланыстыра насихаттау.
Мерекелік шара барысында өнерпаздар күмбірлете күй шертіп, бишілер биге басты. Ата дәстүрді жаңғыртқан білім ошағы мектеп оқушыларына қазақтың түсау кесу дәстүрін көрсетті.

-  Биылғы мерекенің ерекшелігі мектебімізде Наурыз мерекесіне орай «Алтын шебер» атты қолөнер бұйымдар көрмесі ашылды. Аталған көрмеге қойылған бұйымдар оқушыларымыздың қолынан шыққан. Мақсатымыз - ұлттық қолөнер бұйымдарымызды жас ұрпаққа нәсихаттау. Ұмыт болып, қолданыстан шыға бастаған дүниелерді жастардың назарына ұсыну. Қыздарымыздың киіп жүрген көйлектерінің бәрін өздері жетекшілерімен бірге тіккен. Баршаңызды Наурыз мерекесімен құттықтаймын. Наурыз баршаңызға бақыт пен береке әкелсін! - деді мектеп директоры Гүлфарда Ауғанбаева.