Өртті 6 минут ішінде ауыздықтады

Кеше кешкісін Жаңа Бұқтырма кентінің тұрғыны көршілес тұратын  1955 жылы туған әкесіне кіріп шықпақ болып үйіне бара жатқанда түтіннің будақтап жатқанын көреді. Дереу өрт сөндірушілерді шақырды. 

- Шақыру орнына келіп жеткен 20-ӨСБ қызметкерлері түтін жайлағын үйдң ішінен үй иесін алып шығып, жедел жәрдем дәрігерлеріне табыстады. 6 минут ішінде өрт сөндірушілер өртті ауыздықтады, өрт аумағы 8 шаршы метрді құрады. От төсек-орын, көрпе-жастықты шарпыған екен, - деп мәлімдеді ШҚО  ТЖД баспасөз қызметі.
Өрттің алдын ала болжамы - отпен абайсыз болу. 

Құтқарушылар үйде өртке жол бермес үшын мына ережелерді сақтау қажеттігін еске салады: 

    • ашық от көздері - сіріңке, оттық, майшам және темекімен абай болыңыз; 
    • арнайы орындарда ғана темекі шегіңіз;
    • электр желілері мен сымдарына артық жүктеме салмаңыз, электр құралдарын қараусыз қалдырмаңыз,  балаларға тапсырмаңыз; 
    • бүлінген сымдары бар, қолдан жасалған электр құралдарын пайдаланбаңыз; 
    • пешті тым қыздырмаңыз және оның үстіне киім, отын кептірмеңіз. 
      
Өрт шыққан кезде 101 немесе 112-ге хабарласыңыз.