Алаяқ ауыл тұрғынының аңғалдығын пайдаланып несие рәсімдеген

Шемонаиха ауданының полиция бөлімінің 102 жедел каналына Рулиха ауылының 54 жастағы тұрғыны хабарласып, ағымдағы жылдың 19 ақпанында белгісіз жігіт әлеуметтік көмек көрсету сылтауымен қаржы ұйымдарының бірінен 55 000 теңге сомасында несие ресімдеген.

ШҚО ПД баспасөз қызметі мәлімдегендей, жедел-іздестіру іс-шараларын жүргізу кезінде криминалдық полиция қызметкерлері бұрын сотталған 30 жастағы ер адамды анықтап, ұстады.

Қазіргі уақытта аталған факті бойынша ҚР ҚК 190-бабы 1-бөлігі бойынша сотқа дейінгі тергеу амалдары жүргізілуде.