Катонқарағайдағы жер-судың тарихи атаулары қайтарылмақ

Катонқарағай ауданында онамастика бойынша жұмыс тобының отырысы өтті. Жұмыс тобының күн тәртібінде аудандағы жер-су тарихи атауларын қайтару мәселесі қаралды

Ауданда көпшілік жер-су атаулары қосарланған. Бірі тарихи болса, енді бірі картаға түскен орыс тіліндегі атаулар.

- Қазірігі таңда аудандағы Черновая деп аталатын өзеннің тарихи атауы - Шу. Сондай-ақ, Фадиха өзенінің тарихи атауы - Барынду. Осы сияқты атауларды тарихи кітаптардан, ғалымдардың еңбектерінен, әдеби шығармалардан, мұрағат деректерінен тауып зерттеулер жүргізілуде, - дейді Катонқарағай ауданының әкімі Ділдар Қалиқан.

Жұмыс тобының шешімібойынша жер-су атаулары ауыстырылып, құжаттар ҚР Экология, геология және табиғи ресурстар министрлігі Су ресурстары комитетіне жинақталып жіберіледі.

Тақырыптар: ШҚО Катонқарағай Жер-су атаулары