Ауа райы бұзылды: тас жолдар тағы да жабылады

Бүгін жел күшейіп, көктайғақ болып, облыс аумағының ке жерлерінде жауын-шашын көбейіп, ауа-райының күрт өзгеруіне байланысты көлік қозғалысы үшін аймақтың бірқатар елді мекендеріне баратын тас жолдары жабылды

Бұл туралы аймақтық Төтенше жағдайлар басқармасының баспасөз қызметі құлақтандырды. Қай жолдарға тосқауыл қойылатынын біле жүріңіз:

Омбы – Майқапшағай тас жолының 756-906 шақырымы (Семей – Қалбатау), Өскемен – Семей тас жолының 10-198 шақырымы (Төлеген Тоқтаров ауылдық округі – Семей), Омбы – Майқапшағай тас жолының 587-733 шақырымы (Павлодар облысы – Семей), Семей – РФ тас жолының 3-113 шақырымы.

Құтқарушылар халықты тұрғылықты жерінен алысқа ұзамауға шақыруда.

- 19-20 ақпан күндері облыс көлемінде дауылдық-апаттық ескерту жарияланды. Желдің ұйытқуы секундына 25 метрге дейін барады. Қауіпсіздік шараларын естен шығармай, өздеріңізді күтіңіздер, - делінген басқарманың баспасөз бөлімінде.

Біздің Telegram арнамыздағы ең маңызды нәрселер

Тақырыптар: ДЧС ВКО Закрытие трасс в ВКО Плохие погодные условия