Қала көшелерінің атауы тағы да ауысты, депутаттар қандай шешімге келді?

Қалалық мәслихат депутаттары Өскемен шаһарының бірден бірнеше көшелерін ауыстыру жөнінде шешімге келді, деп ақпарлайды Устинка LIVE тілшісі. Олардың екеуі қаланың енді бой көтеріп келе жатқан, сандармен белгіленген көшелері болса, екеуі қала орталығындағы ескі көшелер.

Қабылданған шешім туралы ақпарат 16-шы ақпан күні ресми сайтта жарияланды. Сонымен, 20-шы ықшам ауданында № 13 және 15 көшелердің атауы өзгерді. Біріншісі - Анатолий Ивановтың есімін ұлықтаса, екінші көше Абайтанушы Қайым Мұхамедқановқа берілді. Сонымен қатар, Образцовая көшесі Дмитрий Менделеевке бұйырса, Амурская көшесі қадірлі ұстаз Қанипа Бітібаева есімін қайта жаңғырту мақсатында өзгертілді.