Ертіс көпірін қашан жөндеп бітеді?

Облыс орталығының әкімдігінде түсіндірілгендей, жұмыс жақын арада қайта басталуы мүмкін. Жөндеу жұмыстарын аяқтамай кеткен мердігер компанияға қатысты сот ісі аяқталған көрінеді

Бес жылдан астам уақыт бойы автокөлік жүргізушілері облыс орталығындағы Ертіс көпірінің жөндеу жұмыстарының аяқталуын күтіп келеді, деп хабарлайды Устинка LIVE тілшісі. Бұл көпір жөндеу жұмыстары ең ұзаққа созылған құрылысқа айналды.

2019 жылдың қараша айында жұмыс аяқталуға жақын қалған: мердігер асфальт төсеп, айналма жол мен баспалдақтарды жөндеді. Көпір жұмысын бастады, бірақ жөндеу аяғына дейін жетпеді.

- Қалған жұмыстар - тіреу қабырғаларын жайластыру және көпір кіреберісін абаттандыру, - деп түсіндірді Өскемен қаласының тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының орынбасары Ерназ Мұқатаев.

Қайта жөндеуді келісімшарт жасасқан ұйым "Мостостроительный отряд №25 им. Рязанова" ЖШС емес, қала әкімдігінің нұсқауымен басқа ұйым аяқтаған. Осы кезден бастап Өскемен қаласының әкімдігі жосықсыз компанияны сотқа беріп, аяқталмаған жұмысты қолға алатын мердігерді анықтау үшін жаңа конкурс жариялады.

Департамент редакцияның ресми сауалына жауап ретінде мамандандырылған ауданаралық сотының өткен жылғы 28 сәуірдегі шешіміне сәйкес "Мостостроительный отряд №25 им. Рязанова" ЖШС кәсіпорнынан аванстық төлем, қайтарылатын сома және өсімпұл өндірілгенін хабарлады.

- Осыдан кейін қалған жұмыстардың жобалық-сметалық құжаттарын дайындадық, - деді қалалық ТҮКШ басшысының орынбасары Ерназ Мұқатаев.

Жуырда өткен Өскемен қаласы әкімінің тұрғындар алдындағы есеп беру онлайн-кездесуінде қала тұрғыны Ертіс көпірінің астындағы аумақ жайлы мәселе көтерді.

- Көпірді жөндеуден кейін барлық құрылыс қалдықтары - бетон, металл құрылымдар сол жерде қалды, ал жағалаудың жанында ересектер мен балалар серуендеп жүреді, - деді Қуаныш Демегенев. - Жазда үйі жоқ адамдар көпірдің астын мекендеді. Осы мәселеге назар аударып, алаңды тазарту және көгалдандыру мәселесін шешіп беруіңізді өтінемін.

Жақсылық Омар көпір астындағы қоқысты жинау көктемде басталатынын, кейін мердігер барлық жұмыстарды аяқтап, іргелес аумақты абаттандыратынын айтты. Бірақ көпірдің нақты қашан жөнделіп бітетіні жұмбақ күйінде қалып отыр.

Тақырыптар: Ремонт Иртышского моста в Усть-Каменогорске Акимат ВКО Руководитель отдела ЖКХ пассажирского транспорта и автомобильных дорог Усть-Каменогорска Ерназ Мукатаев