Өскеменде жыл соңына дейін жаңа демалыс орны ашылады

Өскемен қаласының әкімі Жақсылық Омар жаңа тұрғын ауданында ауқымды абаттандыру жұмыстары басталатынын айтты, деп хабарлайды Устинка LIVE тілшісі. Жоспар бойынша Есенберлин даңғылының бойында Сағадат Нұрмағамбетов саябағы пайда болады.

- Үйлердің арасында үш жерде жайлы скверлер саламыз, онда жергілікті тұрғындар демалатын болады, - деді қала басшысы. - Барлық үш сквер жаңа саябақ құрады. Жұмыстар көктемде басталып, күзге дейін аяқталады.

Абаттандыру жұмыстары жүргізілетін учаскелер қоршалып, шекаралары белгіленді. Өткен жылы мұнда тамыр жайған бірнеше ағаш отырғызылды.