Өскемендегі ЖҚАЖ қызметкерлері мектеп-интернат ауласын қардан тазартты

Қалаға толассыз жауған қардан соң полиция қызметкерлері формаларын жұмыс киіміне ауыстырып, қолдарына күрек алып көмекке мұқтаж жандарға көмекке шықты

Бүгін ШҚО ПД ЖҚАЖ қызметкерлері жаппай сенбілікке шығып, Негізгі орта мектеп-интернат ауласындағы қарды тазартты.

- Таңнан түске дейін сарбаздар қолдарына күрек, арнайы көлікті алып тау боп үйілген қарды шығарды, - дейді ШҚО ПД ЖҚАЖ командирі Айдар Нұрмұхамбетов. - Сенбілікке қуана-қуана шықтық, тамаша оң әсер алдық.

Мектеп оқушылары мен тәлімгерлер атынан мектеп директоры Анар Жетібаева тәртіп сақшыларына алғыс білдірді.

- Қар мол жауып қалғандықтан интернат аумағына кіру ересек адамның өзіне қиындық тудырады, ал балаларға одан да қиын, - дейді ол. - Енді тәртіп сақшыларының арқасында ауламыз тазартылды. Балалар ғимаратқа оңай кіріп-шығып, тіпті спорт алаңында да ойнай алатын болады.

Тақырыптар: КГУ "Основная средняя школа-интернат" СОБР ДП ВКО Почистили от снега двор школы-интерната Айдар Нурмухамбетов