Жармада жаңа нысан салынады

Жарма ауданының әкімі Ахметқали Нұрғожин аудандық мәслихат хатшысы Мейірхан Оспанбаевпен бірге Сұлусары ауылына барды.

- Жеке кәсіпкер өз күшімен көп жылдар қаңырап тұрған мәдениет ошағының орнын тегістеу жұмыстарын аяқтаған. Алдағы уақытта кәсіпкер әлеуметтік әріптестік аясында ескі ғимарат орнына жаңа нысан салып беретін болады. Яғни, бұл орында жергілікті әкімдік, медициналық пункт, полиция инспекторы және клуб ғимараты салынады. Құрылыс алаңында кәсіпкермен болашақ құрылыс жоспарын қарап, бірқатар ұсынысымды жеткіздім. Сапар барысында жергілікті медициналық пункт және мектеп ғимараттарының жылу жүйесін де назардан тыс қалдырмадық, - дейді Жарма ауданының әкімі Ахметқали Нұрғожин.