Өскеменде автобус жүргізушілері қандай заң бұзушылықтарға жиі жол береді?

"Автобус" жедел алдын алу іс-шарасын Өскемен қаласының тәртіп сақшылары қоғамдық көлік жүргізушілерінің техникалық регламенті, багаж бен жолаушыларды тасымалдау ережелері қалай сақталатынын анықтау үшін өткізуде, деп хабарлайды Устинка LIVE тілшісі. Сондай-ақ, тәртіп сақшылары көліктен шығатын газдардағы зиянды заттардың деңгейін бақылайды.

- "Автобус" жедел алдын алу іс-шарасының алғашқы күнінде 50-ге жуық әкімшілік құқықбұзушылық анықталды, - деп хабарлады Өскемен қ. ПБ баспасөз қызметі.

Оның ішінде:

• Мемлекеттік немесе міндетті техникалық байқаудан өтпеген тоғыз көлік құралы - ҚР ӘҚБтК 590-бабы 9-бөлігі;
• Сыртқы жарық аспаптарын пайдалану қағидаларын бұзғаны үшін ҚР ӘҚБтК-нің 602-бабы бойынша алты жүргізуші тартылды; 
• ҚР ӘҚБтК-нің 595-бабы "Маневр жасау қағидаларын бұзу" бойынша жеті хаттама толтырылды;
• Көлікті басқару кезінде жүргізушінің телефонды немесе радиостанцияны пайдалануының төрт фактісі анықталды - ҚР ӘҚБтК 591-бабы;

Техникалық байқаудан өтпегендіктен пайдалануға тыйым салынған бір көлік құралы анықталды. Ол мамандандырылған тұраққа қамалды.