ШҚО-ның 16 мектебінде 58 бұзушылық анықталды, оның 20-сы өрескел

2020 жылы профилактикалық бақылау қажет болатын ШҚО ұйымдарының тізіміне 21 мектеп кірді. Бірақ іс жүзінде бақылау 19 оқу орнында жүргізілді, қалған екі іс-шара карантинге байланысты жүргізілген жоқ, деп хабарлайды Устинка LIVE тілшісі. Осылайша, 16 мектепте бұзушылықтар анықталды.

- Жүргізілген бақылау іс-шараларын талдау шағын орталықтар, балабақшалар, мектепалды даярлық сыныптары жұмыс істейтін білім беру ұйымдарында мектепке дейінгі тәрбие мен оқыту бөлігінде жұмыс нашар жүргізіліп жатқанын көрсетті, - дейді ШҚО Білім саласындағы сапаны қамтамасыз ету департаментінің білім беру сапасын сырттай бағалау бөлімінің басшысы Ботагөз Райымбекова. - 2019-2020 және 2020-2021 оқу жылдарына арналған мектепке дейінгі тәрбие мен оқытудың оқу жұмыс жоспарындағы пәндердің атаулары ұйымдастырылған оқу қызметі кестесіндегі пәндердің атауларына сәйкес келмейді, кестелер бекітілмеген, мектепалды даярлық сыныптарында сынып журналдары жүргізілмейді.

Мамандардың айтуынша, мектептердің бірінде баланың жасына сәйкес балалардың дағдылары мен қабілеттерін дамытуды бақылау материалдары жоқ. Мектепке дейінгі тәрбиешілердің лауазымдық нұсқаулықтары дұрыс әзірленбеген, ал педагогикалық кеңестерде мектепке дейінгі тәрбие мен оқыту мәселелері қарастырылмаған. Мектепке дейінгі кабинеттерде материалдық база әлсіз болды, "Денсаулық", "Коммуникация", "Таным", "Шығармашылық", "Социум" білім беру салаларын іске асыру үшін заттық-кеңістіктік дамытушы орта болмады. Білім беру ұйымдарының өздері мектепке дейінгі білімі бар дипломды педагогтармен толық қамтамасыз етілмеген, өйткені олардың көпшілігінде "Бастауыш сынып мұғалімі "дипломы бойынша мамандығы бар.

- Бастауыш, негізгі орта және жалпы орта білім берудің жалпы білім беретін оқу бағдарламаларын іске асыратын білім беру ұйымдарында үйде оқытудың оқу жоспарларының болмауы, 5-8, 10-сыныптардың білім алушыларына аралық аттестаттау жүргізілгенін растайтын материалдардың болмауы анықталды. Бастауыш сыныптарда стандартқа сәйкес пәндер бойынша кіші топтарға бөлу жүргізілмейді, кейбір жұмыс оқу жоспарлары мен сабақ кестелері оқушылардың апталық оқу жүктемесіне сәйкес келмейді. Жекелеген педагогтар медициналық қарсы көрсетілімдері мен соттылығының жоқтығы туралы растайтын құжаттарсыз жұмыс істейді, - деді Ботагөз Райымбекова.

Жалпы, профилактикалық бақылау аясында 16 мектепте 58 бұзушылық анықталды, оның ішінде 20 – өрескел, 29 – елеулі және 9 - елеусіз. Барлық білім беру ұйымдарына бұзушылықтарды орындау мерзімдері көрсетілген нұсқамалар берілді.

Сонымен қатар, өткен жылы департамент ұйғарымдар бойынша 22 жоспардан тыс тексеру жүргізді. Олардың қорытындысы бойынша ұйғарымды орындамау бойынша бір әкімшілік іс қозғалды.

Айта кетейік, жыл сайын ҚР БҒМ бұйрығымен жарты жылдыққа профилактикалық бақылау жүргізу үшін білім беру ұйымдарының тізімі бекітіледі.