Шығыс Қазақстанда тағы бір май зауыты ашылады

Аймақ әкімшілігінің мәліметі бойынша, жобаға жұмсалатын қаражат мөлшері 28 миллиард теңгені құрамақ.

Инфрақұрылым "Жұмыспен қамтудың жол картасы-2020" бағдарламасы шеңберінде жүзеге асады.

- Күнбағыс дәнектерін өңдейтін цех салынды, тағы бес ғимараттың іргетасы құйылды, төрт ғимаратқа арналған қазандықтар дайындалуда. Ал күнбағысты терең өңдеуге арналған екі нысан келесі жылы іске асырылады. Қазір күнбағыстың тазартылған тұқымын өңдейтін жабдық сынақ режимінде іске қосылды, цехты іске қосу жұмыстары жүргізілуде, - дейді облыс әкімдігі.

Билік өкілдері зауыттың күн сайын мың тоннадан астам шикізат өндіретінін атап өтті. Айтпақшы, Семейде ашылуы 2020 жылдың соңында жоспарлаған май зауытының құрылысы жақын арада аяқталады. Ол іске қосылғаннан кейін 250 адамды жұмыспен қамтамасыз ете алады.