ЖМК ауданындағы Есенберлин көшесінде ыстық су өзен болып ағып жатыр

Куәгерлер видеоны Instagram әлеуметтік желісіндегі парақшалардың бірінде жариялады.

Видеода қарды жарып өзен болып ағып жатқан судан су шығып жатқаны көрінеді.

- 31 желтоқсаннан бері ыстық су ағып жатыр, - дейді жергілікті тұрғындардың бірі. – Түнімен ағып жатты, қазір түскі сағат 12, су әлі ағып жатыр. Осының салдарынан үйдегі ыстық суды өшіріп тастамаса болғаны. Бұнда не болғанын білмейміз. Әкімдік қайда қарап отыр?!

Құзырлы коммуналдық қызметтер осы жағдайға байланысты ешқандай жауап бермеді.