Өскемен мен ШҚО Роза Рымбаеваға "ШҚО-ның Құрметті азаматы" атағы берілді
Танымал эстрада жұлдызы Роза Рымбаева – Жарма ауданындағы Жаңғызтөбе ауылының тумасы
Шығыс Қазақстан облысының әкімі Даниал Ахметов Қазақстанның халық әртісі Роза Рымбаеваға "ШҚО Құрметті азаматы" төсбелгісін табыс етті.
Следующая →
- Бүгін қуанышты, әрі тарихи күн. Жаңа жыл қарсаңында жерлесіміз, Қазақстанның халық әртісі Роза Қуанышқызы Рымбаеваға "ШҚО Құрметті азаматы" атағын жеке тапсырудамын. Мен үшін бұл зор құрмет. Біз әрдайым жерлестеріміздің жеңісі үшін қуанып, қолдап жүреміз, - деді ШҚО әкімі Даниал Ахметов.Кездесу барысында Р.Рымбаева Семей қаласында ұлы Абайдың 175 жылдығы аясында атқарылған жұмыстардың ауқымын жоғары бағалап, жуырда ғана мерейтойға арналған қорытынды концертте ән шырқағанын еске алды.
- Жыл сайын өзімнің гастрольдік сапарымды Шығыс Қазақстаннан бастауға тырысамын. Себебі, туған өлкемнен ерекше шабыт, күш-қуат аламын. Халқыма жүрекпен ән шырқап, бір толқында өнер көрсетемін. Бүгінгі марапат үшін халқыма зор алғысымды білдіремін, - деді Роза Рымбаева.ШҚО әкімдігінің баспасөз қызметінен мәлім еткендей, сондай-ақ Қазақстанның халық әртісі Өскемендегі жаңартылған "ERTIS CONCERT" ғимаратында болды. Роза Рымбаева алдағы жылы ерекше бағдарламамен келіп, облыс тұрғындарына жеке концерт беруге уәде етті. Жоспар бойынша, кеш ШҚО симфониялық және халық аспаптар оркестрінің сүйемелдеуімен өтеді.