Бородулихада балалар ойын алаңы ашылды

Заманауи балалар алаңы аталған ауылда алғаш рет салынып отыр. Жергілікті бюджет қаражатына салынған нысанның құрлысы қараша айының соңында аяқталған болатын. Мердігер компания "Энергостройсервис" ЖШС негізгі жұмыстан бөлек демеушілік көрсетіп, алаңның жарық шамдарын орнатқан. 

- Мердігер өз қаражаты есебінен алаңды жарықтандыруға 6 шам орнатып берді. Келесі жылы қосымша тағы да демеушілік жасап, тас төсеуіш жаюды өз мойынына алып отыр. Ауылдағы 300-ден астам баланың бос уақытын пайдалы өткізуіне бағытталған нысан бүгінде жастардың сүйікті орнына айналып үлгерді. Орталық саябақтың маңындағы балалар алаңының жанына мұз айдыны мен сырғанақ құйылды. Сонымен бірге, жаңажылдық шырша орнату жұмыстары басталып кетті. Мұз айдыны мен шыршаны безендіру, оған жарық шамдарын орнатуды жергілікті шаруа қожалықтары өз мойнына алып отыр. Бұл іске атсалысатын жергілікті "Коростелевское" ЖШС ұйымы, - дейді Бородулиха ауданның әкімдігі.