Құтқарушылар люктен итті алып шықты

Төрт аяқты Көкжал Барақ көшесіндегі кәріз тесігіне бүгін түсіп кеткен. ТЖБ құтқарушылар дер кезінде көмекке жетті

Құтқарушылардан көмек сұрап 101 арнасына тұрғындардың бірі хабарласқан. Ол қыңсылаған иттің даусын естіген соң анықтап қараса, ит кәріз люгіне түсіп кеткен екен.

Құтқарушылар иттің денесіне арқан орап, тартып алып шыққан. ШҚО ТЖД мәліметтері бойынша, итке зақым келмеді, ветеринарлық көмек қажет емес.